Lelakaq Nasehat
1. Mun belaying leq tembere
Kapek paoq siq tetolang
Mun sembahyang endekte mele
Sanget laloq siqte jogang
2. Kelaq manis daun kentujur
Manggis kataq araq sepempang
Epen tangis leq dalem kubur
Tangis awak saq endek uah sembahyang
3. Ampet2 kadu kipas daun kesambiq
Saq tebau leq taman sedin lendang
Apik2 gamaq entan pade jagaq
DiriqSengaq mngkin jamane saq uah jogang
4. Endaq girang lepas sampi ngaro
Leq sedin pelepe loeq laloq uletne
Endaq gamaq girang lepas uni bawo
Mun bakat ate sekat laloq oatene
5. Mun bebante sembalun bumbung
Dasan telage langante jok rinjani
Lamun mate ndeq teburung
Ngumbe care adek te bakti
Lelakaq Anak-anak
6. Bau paku leq sedin oloh
Jari kandoq mangan tengari
Pacu-pacu pade sekolah
Jari sangote lemaq mudi
7. Impan bembek siq daun waru
Pelembah polaq leq dese
PujutLeman kodeq te pade pacu
Uahte toaq jari penurut
8. Sei rengge jeruk manis
Jeruk manis leq atas langan
Sai wede kanak nangis
Kanak nangis mele mangan
9. Jelo senen te juan buaq
Jelo ahad te juan apuh
Lamunte genem ajaq juaq
Lamunte sagaq deq araq angkuh
10. Pempang ere tekadu kaliq longkak
Batang mitaq te piaq jari pemanju
Moge-moge araq gamaq kesukaq
Kanak sasak niki sayan pacu
Lelakaq Bebajangan
11. Kayuq timus ariq jari warangke
Kayuq mamben ariq jari pengkaliq
Sangkak ngemus ariq tegitaq beraye
Mule angen ariq mele merariq
12. Buaq asem ariq begerintang
Kayuq aden begeririk
Jelo malem begerinsang
Selung angen deq baun piriq
13. Talet bunge ariq leq bawaq bila
Taliq paku ariq siq penyalin
Munne mene ariq siq idap rase
Sarian aku bae ariq siq tekawin
Lelakaq Bebonyen
14. Mun belauq sik ku bedaye
Talet gadung dendeq-dendeq
Munku mauq si pade waye
Tanggep gadrung gorok bembek
15. Lalo meken leq jarian
Bau tanaq impan jangkrik
Leteng laloq idap tian
Melet boye jengger ngencik
16. Lolon renggak jari tali
Lolon belimbing sedin langan
Lamun erak sejari jari
Pokok ngibing jangke bian
Lelakaq Agama
17. Bubut kerete dese lenek
Anak gagak kembang sandat
Idup mate urusan nenek
Endak lupak bace syahadat
18. Mun kepait nyelem nyelili
Maraq kisap beceraken
Mun bedait dalem mimpi
Maraq idap jari penganten
19. Goroq2 gaji
Piringku belah empat
Amaqku lalo ngaji
Inaqku bace kitab
20. PaEq2 aiq pindang
Pinaq tEkoq gedeng nyambuq
Laeq2 lalo midang
Jangke pesot deq man mauq
21. Dendeq beli bate nane
Bate nane luean lebur
Dendeq beli dedare nane
Dedare nane luean pupur
22. Kubesisir kubeserang
Ku bebao bawaq gitang
Ku besisir ku beserang
Marak kao siq tegitaq
23. Dendeq beli lensune nane
Lensune nane lue’an kotong
Dendek beli dedare nane
Dedare nane lue’an sombong
24. Kadal nongaq leq kesambiq
Benang kataq setakilan
Tajah’n onyaq deq ne matiq
Payu salaq kejarian
Sumber : http://wys52.blogspot.com/2013/10/kumpulan-lelakaq-sasak.html?m=1
